LAOAG CITY – Natiliw ti maysa a construction worker iti insayangkat ti Philippine National Police (PNP) nga Oplan Bakal iti Brgy 22, Sarrat, Ilocos Norte.
Nabigbig daytoy a ni Erwin Ganitano, agtawen iti 32, addaan live-in partner, maysa a construction worker, dati a drug surrenderee ken residente iti Brgy. 20 iti met laeng nasao nga ili.
Iti interview ti Bombo Radyo Laoag kenni Police Major Roldan Suitos, ti Chief of Police iti ili ti Sarrat, kabayatan ti ti panaginom ti arak da Ganitano ken ti maysa pay a lalaki ket nakita da ti iggem na a coin purse.
Inlawlawagna na nga iti panangsaludsud da no ania ti karga na daytoy ket inbulsa a dagus ti suspek, ken ti panangkita dagiti kameng ti PNP ket nakita da ti dua a sachet a naglaon ti maipagarop a shabu.
Malaksid ti daytoy, nakumpiskar da pay iti posisyon ni Ganitano ti 427 a pisos a personal a kwarta na.
Inbatad ni Suitos a nabayagen a monmonitoren da ni Ganitano.
Nupay kasta, naiget a naglikudan ni Ganitano ti alegasyon kenkuana.
