LAOAG CITY – Naipilan ti reklamo nga anti-torture act of 2009 kontra ken ni Noel Lauricio y Domingo, agtawen ti 37, maysa a construction worker, residente iti Barangay Laureta, Solsona, Ilocos Norte.
Daytoy ket kalpasan ti panangbekkel ken panangitumeg-tumeg na ti asawa na a ni Jennelyn Lauricio y Arellano, agtawen ti 40 ken maysa nga OFW.
Segun kenni Police Captain Chris Anthony Sorsano, ti chief of police iti ili ti Solsona, nabartek ti suspek idi napasamak ti insidente.
Saanen a nailawlawag no ania ti rason a dinangran ti suspek ti asawa na.
Immuna ti daytoy, naipadalan ti medical examination ti biktima iti Piddig District Hospital.
