LAOAG CITY – Nagpositibo iti drug test ti maysa a construction worker a naarestar iti naiyuswat a drug buy-bust operation iti Sitio 2, Brgy. 10, Apatut-Lubong iti ili ti Pinili.
Daytoy ti inpkaamo mi Police Major Antonio Marzan Jr.m ti chief of police iti ili ti Pinili.
Nabigbig ti subject ti operasyon a ni alyas “Ansisit” agtawen ti 34, construction worker, naasawaan ken residente iti Brgy. 10, Lubigan iti ili ti Badoc.
Maipalagip a kinemmeg a dagus dagiti otoridad ti suspek kalpasan a naglako ti maysa a sachet ti maatap a shabu iti nagpammarang a police poseur buyer.
Iti panangkapkap dagiti otoridad iti suspek ket nakakumpiskar da pay ti 4 a sachet a naglaon metlaeng ti maatap a shabu, P1,000 a nausar kas buy-bust money, pitaka, aluminum foil , brown envelop ken cellphone.
Mapatta-patta nga agdagsen iti maysa a gramo dagiti nakumpiskar a maipagarup a shabu ken agbalor ti P6,800 a pisos.
Naamoan a ti suspek ket maibilang kas street level indibidual ken nabayagen nga adda iti drug watchlist ditoy probinsya.
Napilaanen metten ti suspek iti kaso a panagsalungasing iti Republic Act 9165 wenno Comprehensive Dangerous Drugs Act of 2002 ken naipisuken iti Bureau of Jail Management and Penology iti siudad ti Batac.
