LAOAG CITY – Nasugatan ti maysa a lalaki kalpasan a nabagkong idiay Barangay Lanas, Dingras, Ilocos Norte.
Nabigbig ti biktima a ni Mark Sherwin Lumaoang, agtawen ti 30, naasawaan, maysa a construction worker idinto a ti suspek ket ni Jolan Ganiban, agtawen ti 23, baro, security guard ken agpada dagitoy a residente iti nasao a lugar.
Naamoan nga inawis ni Ganiban ni Lumaoang a mapan da aginom ken bayat ti panagin-inom da ket naaddaan da ti saan a pinagkinnaawatan.
Gapu iti daytoy, napan nangala ti suspek ti kutsilyo iti maysa tianggi nga asideg ti pagin-inuman da ket binagkong na iti namindua a daras ti biktima.
Naitaray iti Dingras Ditrict Hospital ti biktima ngem naiyakar iti Governor Roque Ablan Senior Memorial Hospital ditoy ciudad ti Laoag.
Boluntaryo a simmuko kadagiti otoridad ni Ganiban babaen ti panangbayabay kenkuana da Barangay Kagawad Jonnel Sarmiento ken ni Sang bayan member Ruben Taylan iti ili ti Dingras.
