LAOAG CITY – Natay ti maysa a construction worker iti napasamak a desgrasya iti paset ti Barangay Bulbulala, Vintar, Ilocos Norte.
Binigbig ni Police Major Joseph Baltazar, ti chief of police iti ili ti Vintar ti biktima a ni Allan Juan y Rosario, agtawen ti 16, construction worker, addaan ti live-in partner ken residente met laeng iti nadakamat a barangay.
Inbatad ni Baltazar a basar iti imbestigasyon da, nagkinnamat ti biktima ken ti kabsat na nga agtawen ti 17 kabayatan ti panagiturong da ti saggaysa da a motorsiklo ket ditoy a nagsinnapgud da ket napukawan ti kontrol iti manibela ni Juan a nagresulta ti pannakatulid na.
Gapu iti daytoy, nagsagaba ti nagakan a sugat kangrunaan na iti ulo ti biktima.
Naitaray iti ospital ti biktima ngem pimmusay kabayatan a maag-agasan idinto a ti in-inauna a kabsat na ket saan a napakarwan.
Kabayatanna, inbatad ni Baltazar a kasarita da ti nagannak dagiti agkabsat gapu ta adda ti responsibilidad da iti napasamak kangrunaan na ket agpada dagiti annak da a nangiturong ti motorsiklo a menor de edad.
