LAOAG CITY – Natay ti maysa a construction worker kalpasan a nagbekkel iti ili ti Pinili.
Ti biktima ket agtawen ti 20 ken awanan asawa.
Segun iti Pinili Municipal Police Station, nakita ti ina ti biktima a nakabitin ti anakna a nakatali iti tengngedna iti family house-da.
Mainaig iti daytoy, sakbay ti insidente ket adda ti panagsasarita ti biktima ken dagiti pagayamna maipanggep iti planona nga agpakamatay.
Basar iti medico legal examination nga inyuswat ni Dr. Agnes Carpio-Barlahan, Municipal Health Officer iti ili ti Pinili, ti biktima ket natayen agarup uppat agingga lima nga oras sakbay a nakitada daytoy.
Rumrummuar a ti rason ti pannakatay ti biktima ket ti asphyxia/suffocation secondary to hanging wenno intentional self-harm.
Kabayatanna, naammoan nga agmaymaysa nga agnanaed ti biktima iti family house-da.
