LAOAG CITY – Natay ti maysa a construction worker kalpasan a nagbekkel ditoy siudad ti Laoag.
Nabigbig ti biktima a maysa a lalaki, agtawen iti 29 ken naasawaan.
Basar iti Laoag City Police Station, in-Facebook Live pay ti biktima ti panangkettelna iti bukudna a biag babaen iti online account-na.
Gapu iti daytoy, nabuya ti pamilia ti maseknan a biktima ti inaramidna isu a dagusda a napan kinita iti uneg ti pagtaenganda.
Nupay kasta, naudin ti amin gapu ta maysan a nalamiisen a bangkay ti biktima apaman a nakadanonda iti ayan ti biktima.
Mainaig iti daytoy, segun ken ni Mrs. Marcela Maruto, katugangan ti biktima, masansan nga agbarbartek ti biktima tunggal malagipna ti asawa a maysa nga Overseas Filipino Worker idiay Dubai.
Inbatadna a saanna a ninamnama a maaramid ti biktima iti panangkettel iti biagna gapu ta nakasarsaritana met pay laeng daytoy sakbay ti insidente.
Kunana a napanawan ti biktima dagiti dua nga annakna nga agtawen iti uppat ken walo.
Innayonna a rumrummuar nga imon ti rason ti panagpakamatay ti biktima.
