LAOAG CITY – Pimmusay ti maysa a construction worker kalpasan nga aksidente a naregregan ti lusob iti manarimaan ti konstruksyon na a drainage iti kalsada a paset ti Brgy. 3 iti ili ti San Nicolas.
Nabigbig ti biktima a ni Nestor Duldulao, agtawen ti 56 ken residente iti Brgy. 18 iti ili ti Sarrat.
Basar iti inisyal nga imbestigasyon dagiti otoridad, manarimaan ti pannakainstolar ti lusob iti nasao a drainage.
Kabayatanna, aksidente a naregreg manipod iti crane ti lusob a para iti drainage ken naregreg iti batog ni Duldulao.
Gapu iti daytoy, nagsagaba ti nakana a sugat iti ulo ni Duldulao ken isu ti puon ti dagus a pannakatay na.
