LAOAG CITY – Nagballigi dagiti otoridad a nangtiliw ti maysa a wanted person iti
Barangay 42, Apaya ditoy ciudad ti Laoag.
Nabigbig ti suspek a ni Leinard Asuncion, agtawen iti 23, baro, construction worker ken residente met laeng ti nasao a barangay.
Natili ni Asuncion babaen ti bileg ti maysa a warrant of arrest nga inparuk-at ni Hon. Judge Jonathan Asuncion iti MTCC branch 02 ditoy ciudad ti Laoag gapu ti kaso na nga Acts of lasciviousness.
Nairekomendar iti 36 a ribo a pisos a piyansa ti suspek para ti temporaryo a pannakawaya-waya na.
Nagtalinaed ti suspek iti kustodyar ti PNP-Laoag gapu ta saan pay a nakapagpiyansa.
