LAOAG CITY – Maysa laeng ti natiliw manipud kadagiti lima a nagsusugal iti paset ti Sitio Uno, Barangay 41, Balacad ditoy ciudad ti Laoag.
Nangiyuswat ti operasyon dagiti kameng ti Philippine National Police (PNP) kalpasan a nakaawat da ti report nga adda dagiti agsusugal iti liugar.
Iti kaaddan dagiti otoridad iti lugar ket naaktwan da dagiti lima a suspek nga agay-ayam ti “Pepito”.
Nupay kasta, nakatalapwagaw dagiti uppat idinto a ti maysa a nabigbig laeng iti nagan na nga “Octoberson”, maysa a construction worker ket nagammatan dagiti pulis.
Nakumpiskar dagiti otoridad iti lugar ti maysa a set ti baraha, lamisaan, tugtugaw ken ti 513 a pisos a pusta dagiti suspek.
