LAOAG CITY – Natiliw ti maysa a construction worker babaen iti drug buy bust operation iti Brgy. 48-A, Cabungaan ditoy ciudad ti Laoag.
Nabigbig daytoy a ni Victor Garcia y Valbuena aka “Victor”, 39, awanan asawa, ken residente iti Pias Sur ken Gaang iti ili a Currimao.
Natiliw ti suspek kalpasan a naglako iti 5 a medium sized sachet a naglaon ti maipagarup a shabu nga agdagup iti 5 ribo a pisos iti maysa a police poseur buyer.
Segun kenni Chief M/Sgt. Harold Nicolas mangidadaulo iti Provincial Drug Enforcement Unit, inbatad ni Garcia nga adda pay maysa a kadwa na a ni Jeffrey Aspiras aka “Jeff” a taga ili ti Badoc nga isu iti mangala ti magatang a droga.
Kabayatan iti nasao nga operasyon, idi madlaw ni Aspiras a pulis iti katrantransaksyon na ket inruar na iti maysa a caliber revolver ken pinaltugan na ti pulis ngem nakalisi.
Insigida a pinataray iti agpaabagatan a direksiyon ni Aspiras ti MB 100 Van nga addaan iti plate number a WRM 898
Naamoan nga adda iti DI Watchlist ti INPPO ni Gacia.
Iti agdama, agtultuloy ti hot pursuit operation dagiti otoridad para iti pannakatiliw ni Aspiras.
