LAOAG CITY – Natiliw ti maysa a construction worker iti drug buy bust operation nga inwayat dagiti kameng ti PNP San Nicolas ken PDEA iti Brgy. 2 iti nasao nga ili.
Nabigbig daytoy a ni Michael Umadac, dati nga agnanaed iti ili ti Pinili ngem naikamang iti nasao a barangay.
Nagatang ti maysa a police poseur buyer ti maysa a sachet a naglaon ti maipagarup a marijuana nga agbalor ti sangaribo a pisos.
Mainaig iti daytoy, naiget a naglikudan ni Umadac iti naala a marijuana kenkuana kalpasan a kinamat ken rinimpong isuna dagiti pulis apaman nga intulod dagiti kakadwa na isuna iti pagtaengan da a naggapo iti pagtrabahoan da.
Kunana a dagus a nagtaray isuna idi nakitana ti paltog dagiti pulis.
Inpetteng na nga awan iti kastoy nga aramid na agsipod ta awan pay iti pagbayada da iti kasera ken panagbasa dagiti annak na.
Naamoan a datin a natiliw ni Umadac gapu iti ilegal possession iti maipawil a droga idi 2016.
Inbatad na a nabayagen a nagbalbaliw ken agdama nga under probation isuna.
Kabayatanna, inbatad ni Brgy. Chairman Rommel Labutong nga awan iti nairepreport a madi nga aramid ni Umadac sipod idi immakar da iti barangay da, addan ti maysa tawenen.
Iti agdama, naipakustodyar iti PNP San Nicolas ti subject ti operasyon.
