LAOAG CITY – Balligi a natiliw ti maysa a construction worker iti naiyuswat a drug buybust operation iti Sitio Maregta iti Brgy. Madamda iti ili ti Dingras.
Nabigbig ti suspek a ni Aaron Estras y Malbog, agtawen ti 35, construction worker, tubo iti Pangasinan ngem agdama agnanaed iti nasao a barangay.
Nakumpiskar manipod iti suspek ti nausar iti operasyon a maysa nga heat sealed sachet a naglaon ti maatap a shabu.
Karaman ditoy ti 4,000 a pisos a boodle money, ken 1,000 genuine money.
Kabayatanna, naglikudan ti suspek ti akusasyon kontra kenkuana.
Kuna na a kellaat lattan a pinosasan dagiti otoridad agingga a kinapkapan da daytoy.
Inadmitir na a maysa a drug surrenderee ngem idi pay laeng adda iti sekondarya daytoy ken nabayagen awan ti pannakainaig na iti ili iligal a droga.
Kabayatanna, inpetteng ti ina ti suspek a saan a nasayaat ti nagbalin nga operasyon dagiti otoridad agsipod ta naposasan a dagus iti saan a masinunuo a rason.
Innayun na nga awan ti ammo na nga aramid a dakes ti baro na rason a palso ti akusasyon kontra iti daytoy.
