LAOAG CITY – Indauluan dagiti consumer group iti intero a lubong ti global campaign tapno malappedan ti panagsigarilio babaen iti pananggutigot ti gobierno nga i-adopt ti science-based approach ken bigbigen ti smoke-free alternatives kas napinpintas a kasukat iti ‘combustible cigarettes.’
Inbatad dagiti grupo nga iti baet ti siyentipiko nga ebidensia a sumupsuporta iti panagbalin nga epektibo ken kinatalged ti smoke-free products, adda dagiti sumagmamano a naimpluwensia a timek ti agtultuloy nga agar-aramid kadagiti manglapped para kadagiti gumatang.
Nagatendar iti maika-11 a Global Forum on Nicotine, kuna dagiti grupo a ti smoke-free alternatives’ kas ti vapes, heated tobacco ken oral nicotine pouches ket mangididiaya kadagiti gumatgatang ti nasaysayaat a pagpilian. Dagiti ‘innovative devices’ ket paset ti tobacco harm reduction strategy.
Ti THR ket maysa a public health approach a gagem a makissayan ti dakkel nga epekto gubuay iti panagsigarilio, maibilang a karisgoan manipud iti panagusar ti tobako. Maal-allukoy dagiti agsigsigarilio a kalikagum nga agtultuloy nga agusar ti nikotina nga umakar iti smoke-free products.
