LAOAG CITY – Kinumpirmaran ni Barangay Chairman Ernesto Bumanglag iti Brgy. 8 San Antonio iti ili ti Sarrat nga agtultuloy ti contact tracing kalpasan a nairekord ti dua a positibo ti COVID-19 a kabaragayan na.
Kuna na a totally lockdown ti barangay na iti agdama ken manarimaan ti panagtrace da kangrunaan iti kabagyan dagiti agkabsat a pasyente agraman dagiti napan gimmatang iti tianggi da.
Kabayatanna, nagpanawagan ni Bumanglag iti saan a pannakadiscriminate dagiti kabarangayan na.
Innayon na nga addan dagiti naipadanun kenkuana a pannakadiscriminate dagiti kabarangayan na kas iti maysa a gasoline station iti nasao nga ili ken uray iti ruwar iti ili da.
