Inpakaamo ni Police Capt. Joseph Tayaban, ti chief of police iti PNP Badoc nga agtultuloy ti maiyus-uswat a contact tracing kadagiti nakapulapol ni IN-C67 a maysa nga APOR ken residente iti Brgy. Paltit iti ili ti Badoc.
Kuna na nga iti agdama ket naka-admit iti Mariano Marcos Memorial Hospital and Medical Center iti siudad ti Batac ni IN-C67 idinto a ti pamilya na ket naka isolate iti Governor Roque Ablan Senior Memorial Hospital ditoy siudad ti Laoag.
Inbatad na nga addan ti nasapulan ti contact tracing team nga 44 nga indibidual a nakapulapol ni IN-C67 ken naipanda metten iti isolation.
Mainaig iti daytoy, kuna na a manamnama nga agbayag ti pannakaipatungpal ti lockdown agingga ituno Setiembre 14.
