LAOAG CITY – Inaprubaranen ti Senado ti Senate Resolution 1264 a mangiyeg ti bileg iti subcommittee nga i-contempt ken mangipataw ti pannusa kadagiti imimbestigaren da a resource person.
Binalbaliwan da ti Section 20 iti pagannurotan ti Senado a manglimitar iti mabalin nga ubraen ti subcommittee.
Patien da a no awan ti contempt power dagiti subcommittee ket saanda a mapilit nga agparang dagiti resource persons kadagiti hearing.
Maipalagip a gapu iti kinakurang ti contempt power ti Senate Blue Ribbon subcommittee, saan a nasurot ti hearing maipapan iti drug war iti administrasion ni Duterte.
Immun-una met a kinuna ni Senate Minority Leader Koko Pimentel a mangi-set da laeng ti maikadua a hearing no maikkan da iti bileg a mang-impeach kadagiti resource persons.
