LAOAG CITY – Saan a matuloy iti pannakadevelop ti controlled dumpsite iti Brgy. Lagui Sail ditoy ciudad ti Laoag kas eco tourism park.
Daytoy ket gapu iti duktal ti lokal a gobyerno babaen ti Environment and Natural Resources a narigat nga agsubside dagiti basura nupay magaburan daytoy iti daga.
Naamoan a babaen kenni Mrs. Ruby Castro Bunaladen ti mangidadaulo iti City Planning and Development Office a ti lote a tagikua ti lokal a gobyerno ket addaan ti kalawa na a maysa nga ektarya para iti madevelop a Forest Park iti Brgy. 48 A Cabungaan ditoy ciudad.
Inbatad na a ti P14M manipod iti National Governement Support Fund Assistance nga ited ti Department of Budget and Management ket maipan iti pannakadevelop ti nasao a proyekto.
Inpasigurado ni Bunaladen a napintas iti pagbalinan ti nasao a lugar ken mabenepisyaran dagiti senior citizen ken dagiti agtutubo nga adda iti Bahay Pag-asa tapno adda pagrelaksan da.
Innayon na a saan a problema iti lokasyon na gapu ta saan unay a nauneg daytoy.
Kunana a bisitaen ti DBM iti nasao a lugar sakbay a maaprobaran ti nasao a proyekto.
