LAOAG CITY – Saan a makipaset ti Italian cardinal a nasentensyaan ti embezzlement ken fraud iti secret conclave tapno elektaran ti baro a santo papa.
Daytoy ket basar iti inpartuk-at a rakurak ni Italian Cardinal Angelo Becciu, ti kangatoan nga opisyal ti Simbaan Katolika simmango iti criminal court iti Vatican.
Ni Becciu ket nasentensyaan ti 5-1/2 a tawen a pannakabalud iti Vatican idi Disyembre 2023.
Naglikudan ni Becciu dagiti alegasyon kenkuana ken nagtalinaed a nawaya daytoy bayat nga iyur-uray na ti apelan na.
Inkari ti Italian cardinal a tungpalen na ti kalikagom ni Pope Francis a saan a makipartisipar iti conclave.
Maipalagip a ni Pope Francis a pimmusay idi Abril 21 ket inikkat na ni Becciu manipod iti maysa a senior a trabaho iti Vatican idi 2020 ken inakusaran na daytoy ti embezzlement.
Ti conclave ket naituding a mangrugi intono Mayo 7 ita a tawen.
