LAOAG CITY – Pormal a naglukat ti cooperative month celebration idi kalman a nakipagpasetan dagiti amin a nabukel a kooperatiba ditoy probinsia.
Nagatendar da Dr. Josefina Bitonio, Director , Cooperative Development authority ti region 1, Vice Gov. Angelo Marcos Barba, ken ni Mrs. Norma Lagmay , provincial agriculturist a nbangibinsa-binsa kadagiti dadduma pay nga aktibidad ti nasao a selebrasion.
Ginutigot ni Dr Bitonio dagiti nagduduma a kooperatiba ti panangpadakkel da pay ti shared asssets, shared capital , ken shared income gapu ta addanto ti maited a pammadayaw kadagiti mapili a kooperatiba idinto a kinablaawanna dagiti nagduduma a kooperatiba gapu ti panangipakitada ti in-inot a panagprogreso da
Kabayatanna, dinakamat ni Bise Gov. ti cooperative movement a daytoy ket mangipakita ti napintas a panangmaneherda kadagiti pamastrekanda para ti economic development.
Segun ken ni Mrs. Lagmay, ad-adda pay a mangted langen langen ken makapagbibinnuray dagiti nagduduma a cooperative dagiti nakasagana nga aktibidad ken pasalip.
Dagiti dadduma nga aktibidad ket ti cooperative x-factor singing contest, kidnote speech ken panangted ti premyo kadagiti mangabak.
