Manarimaan ti pannakaiyuswat ti Cooperative Youth Summit 2026 iti dakkel a mall ditoy siudad ti Laoag, kas paset ti selebrasyon ti Cooperative Month ita a bulan kas naipalaon iti Republic Act 11502.
Ti summit ket inorganisar ti Junior Cooperators iti Mariano Marcos State Univesity – Batac chapter, ken ti College of Business Economics and Accountancy iti nasao nga unibersidad.
Sumagmamano nga estudyante manipod iti University of the Philippines Los Baños, Nueva Vizcaya State University, Polytechnic University of the Philippines, University of Northern Philippines, Ilocos Sur Community College, ken Mariano Marcos State University iti ciudad ti Batac.
Iti panagsarita ni Prof Emil James Tanagon iti College of Business Economics and Accountancy, inbatad na a saan a tagibassiten dagiti estudyante ti programa a cooperative management gapu ta daytoy ket maysa a napateg a propesyon a makatulong kadagiti umili.
Kuna met ni Mr. Hadjie Argel, project chair ti Youth summit a ti importansya ti kastoy a panagtitipon ket tapno maipakita da kadagiti estudyante a sumaruno a lider ti kooperatiba no kasano ti real-life expectation iti propesyon da babaen ti panangibinglay ti sumagmamano nga indibidual manipud kadagiti nalatak a kooperatiba dagiti nagbalin a kapadasan da.
Inpanamnama na nga addan to pay dagiti maisayangkat a Youth Summit para kadagiti sumarsaruno a cooperative leaders ken miembro na.
Kabayatanna, mamati met ni John Rhey Mabbun, estudyante iti University of Northern Philippines ken mangal-ala ti kurso a Bachelor of Science in Cooperative Management a ti youth summit ket dakkel a makatulong kadakuada iti para iti pannakaisagana na iti makunkuna a real-world scenarios.
