LAOAG CITY – Inbatad ni PCapt. Chris Anthony Sorsano, ti hepe ti PNP-Solsona nga adda ti naiyuswat a counselling iti Brgy. Aguitap iti nasao nga ili.
Daytoy ket kalpasan ti nagsasaruno nga isidente ti panagpakamatay iti nadakamat a barangay.
Kuna ni Sorsano a babaen ti counselling, naadalan dagiti residente kadwada ti maysa a pastor.
Ibunannag na ti nasao nga aktibidad ket maysa a wagas tapno saanen a maulit ti insidente ti panagpakamatay.
Immunan nga inpakaamo ni Sorsano a ti pannakaiyuswat ti counselling ket mandar ti INPPO babaen ti panangidaulo ni PCol. Christpher Abrahano.
Maipalagip a dua a residente iti Brgy. Aguitap ti nagpakamatay itay napan a bolan gapi ti nagduduma a rason.
