LAOAG CITY – Inpakaammu ni Udit Bhandari idi June 25, 2024, a naidum-duma nga scam ti inaramid dagiti agasawa a naam-ammu na laeng iti house party ti pagayam na idiay Gurugram, India.
Idiskribir ni Udit, a nakababain ti modus dagiti middle-aged couple.
Daytoy ket kalpasan a mangitug-tugot dagiti agasawa iti natay a ngilaw no mapan da mangmangan kadagiti nangingina a restawran.
Ket no magudwa da ti kankanen da ket ditoy nga ikabil da ti ngilaw iti order da.
Apaman nga naila-ok ti ngilaw iti order da ket agreklamo da ken ag-iskandalo da.
Ti ending na ket saanen nga agbayad pay dagiti agasawa kadagiti inorder da a taraon.
