LAOAG CITY – Kinumpirmaran ni Doctor Jhoan Galano, Pedia-Onco Specialist iti Mariano Marcos Memorial Hospital and Medical Center idiay ciudad ti Batac nga inaramid dan a temporary ward ti covered court da sipud pay itay napan a lawas gapu iti agtultuloy a panagngato ti bilang dagiti pasyente da a biktima ti sakit a dengue ditoy probinsya.
Iti eksklusibo nga interview ti Bombo Radyo Laoag ken ni Galano, inbatad na nga arigna inaldaw nga adda dagiti maad-admit iti nasao nga ospital a positibo iti dengue.
Segun pay ken ni Galano, amin a pasyente da iti covered court ket nakamoskitero ken adda ti securityguard nga agbanbantay tapno masigurado ti seguridad dagiti pasyente da.
Addan ti tallo a biktima ti dengue a natay a ti kaudian ket ti agtawen ti innem nga ubing.
