LAOAG CITY – Addan ti 758 a pakabuklan ti kaso ti covid-19 ditoy probinsya kalpasan a naimaldit ti siyam a baro a kaso idi kalman.
Basar iti statement nga inparuk-at ti gobierno probinsyal, maysa ti Locally Stranded Individual (LSI), maysa ti APOR ken pito dagiti local resident.
Ti nasao nga APOR ket ni IN-C750, maysa a lalaki nga agtawen ti 36, cargo driver ken residente iti Brgy. Escoda iti ili ti Marcos ken addaan daytoy ti travel history idiay Bataan Bantay, Ilocos Sur.
Kabayatanna, dagiti local resident ket da IN-C751, agtawen ti 31 a babai, residente iti Brgy. Naglicuan iti ili ti Pasuquin ken nakapulapol ni IN-C747; IN-C752, agtawen ti 54 a babai; IN-C753, agtawen ti 54 a lalaki; IN-C754, agtawen ti 13 a lalaki; IN-C755, agtawen ti 9 nga ubing a babai; IN-C756, agtawen ti 11 a lalaki, agpapada dagitoy a residente iti Brgy. Poblacion 1 iti ili ti Pasuquin ken nakapulapol ni IN-C747 idinto a ni IN-C757 ket agtawen ti 18 a lalaki, residente iti Brgy. Poblacion iti ili ti Pasuquin ken nakapulapol met laeng ni IN-C747.
Mainaig iti daytoy, ni IN-C758 ket agtawen ti 44 a lalaki, Locally Stranded Individual manipod Pasay City ken residente iti Brgy. 12 San Cayetano iti ili ti San Nicolas.
Iti agdama ket agpapada a naka-isolate dagiti pasyente nu pay asymptomatic wenno awanan ti sintomas ti virus dagitoy.
