LAOAG CITY – Nakatulong ti sitwasyon ti coronaviruis pandemic iti pannakaiwayat ti eleksiyon iti Seoul, South Korea, gapu iti panagsentro ti imatang ti gobyerno kadagiti nasken a matulongan.
Iti report ni Bombo International News Correspondent Ogien Sacoco Jung, iti Seoul, South Korea, awan dagiti tattao a nangkarkarit iti gobyerno seknan iti eleksiyon gapu ti pandemiya.
Kuna na a napnek dagiti tattao iti panagtignay ti gobyerno kontra ti coronavirus.
Daytoy ket gapu ti panagsaludsod ti gobyerno ti South Korea kadagiti sumagmamano a pagilian kadagiti wagas a pangkontra ti nasao a virus.
Inbatad ni Jung dinayaw dagiti tattao ti napaspas a panagresponde dagiti nagduduma nga ahensya ti gobyerno kas iti Health Department ken dagiti maseknan nga ahensya.
Awan met ti nagpabalin a problema ti pannakaiwayat ti eleksiyon idi Abril 15 ken nangabak ti Democratic Party.
