LAOAG CITY – Nagigiddan a naipaayan ti tulong dagiti benepisyaryo ti Covid-19 recovery Assistance ken dagiti Micro Small and Medium enterprises a nanggundaway iti programa a mataginayon a progreso iti ili ti Pasuquin.
Segun ken ni Ms. Acel Madalipay iti SME Office ti gobierno probinsyal, 35 a benepisyaryo ti naipaayan ti tulong pinansyal a 3,000 a pisos it itunggal maysa idinto a pito nga agtagikua iti sari-sari store ti nakaawat iti agbalor ti 2,000 a grocery items.
Kuna ni Madalipay a bassit laeng dagiti naipaayan ti tulong agsipod ta addan ti immuna a rikos ti panagibunong nu sadino a 97 dagiti nakaawat.
Kabayatanna, kuna na a plano ti gobierno probinsyal a manayunan ti maipapaay a tulong kadagiti benepisyaryo kadagiti sumarsaruno a bansada daytoy.
Inbatadna a manipod iti 2,000 a balor ti grocery items ket mapagbalin a saan a nakurkurang ngem 3,000 a pisos.
Mainai iti daytoy, inpakaammo ni Mrs. Elma Gabriel, ti mangidadaulo ti SME office nga agaw-awat pay laeng ti opisinidad kadagiti aplikante para iti nasao a programa.
