LAOAG CITY – Addan ti 94% ti nabakunaan ti dua a dose ti covid-19 ditoy siudad ti Laoag.
Daytoy ti inpakaammo ni Ms. Jiwani Silva, ti officer in charge ti vaccination operation center ditoy siudad.
Mainaig iti daytoy, kuna ni Silva a ti nasao nga addan ti 22,546 dagiti nabakunaan ti dua a dose idinto a 3,195 ti maysa pay laeng a dose.
Inpakaammo na nga iti agdama ket agtultuloy ti vaccine roll out ti siudad partikular iti booster shot gapu ta adda pay laeng dagiti agkedked nga agbakuna.
Kuna na nga addan ti panagbakuna kadagiti nagduduma a barangay para iti house to house ken agtultuloy latta ti panagbakun aiti LCGH ken basketball court iti city hall.
Segun ken ni Silva, iti kaudian a boost vaccination a naiyuswat idi kalman ket 177 dagiti nabakunaan.
Kabayatanna, inbatad ni Silva nga awan dagiti ag-expire a bakuna ken adda ti kiniddaw a baro a bansada ti bakuna ni Mayor Michael Marcos Keon manipod iti Department of Health.
Naamoan a mismo a ni Mayor Keon ket nakaawat metten ti dua a dose ti booster shot kadua na ti dadduma pay nga opisyal ditoy siudad.
