LAOAG CITY – Inpakaammo ni Mayor Jeofrey Saguid iti ili ti Dingras a nangrugin ti covid-19 vaccine rollout iti nasao nga ili.
Inbatad ni Saguid a nausar ti astrazeneca vaccine iti panagbakuna nu sadino a 21 ti nabakunaan a frontliners iti ili da.
Kabayatanna, kuna na a malaksid iti nasao a bilang, nagturong pay iti nasao nga ili dagiti 14 a frontliners iti ili ti Carasi tapno agpabakuna.
Mainaig iti daytoy, inbaga ni Saguid nga awan met ti naobserbaran nga adverse effect ti bakuna kadagiti nabakunaan.
Innayun na nga intuno bigat, ket manamnama a mabakunaan pay ti 29 a kailian na a frontliners.
Inpakaamo na nga agtultuloy ti pananggutgutigot na kadagiti kailian na nga agpabakuna tapno maliklikan ti virus.
