LAOAG CITY – Naiyuswat ti Covid-19 vaccine simulation iti Solsona Auditorium no sadinno nga inatendaran dagiti frontliners partikular dagiti doktor, nurses, BHW manipud kadagiti ili ti Sarrat, Banna, Nueva Era, Marcos ken Carais, PHO, DOH ken iti City ken Municipal Health Office.
Ditoy a naipakita ti kada proseso ti panagbakuna kontra iti covd-19.
Ummuna a mapan dagiti agpabakuna iti Registration Area ken ditoy a masaludsod dagiti basic information, ma-check ti temperatura ken maipakita ti health declaration form.
Sumaruno ket mapan dagitoy iti counseling area ken ditoy a maipabuya dagiti benipisyo ti panagpabakuna, ken adda ti mapirmaan a Consent for vaccination.
Kalpasan daytoy ket mapan da iti screening area ken ditoy a ma-check ti blood pressure da ken no nakasagana aminen ket mapan iti vaccination area.
No mabakunaanen ti maysa nga indibidwal ket mapan iti Post vaccination monitoring area ken maobserbar ti 30 a minutos agingga iti maysa nga oras tapno makita a nalaing no adda ti side effects ti bakuna wenno awan.
