LAOAG CITY – Back-to-back Championship!
Daytoy ti naragsak nga ikkis dagiti fans kalpasan a nagun-od ti Creamline Cool Smasher ti maikawalo a kampeonatoda kalpasan nga inabakda ti Choco Mucho Flying Titans iti finals ti 2024 Premier Volleyball League All Filipino Conference.
Dikit ti ay-ayam iti umuna nga uppat a set a binuya ti 23,162 a Pilipino iti Araneta Coliseum.
Agingga a nakadanon iti 5th set no sadino ad-adda a bimmara ti tension ken ditoyen a naala ti Cool Smasher ti panagballigida iti iskor a 20-25, 25-20, 22-25, 25-22, 15-11.
Napadayawan ni Jessica Margarett “Jema” Galanza kas finals MVP idinto a Best Setter met ni Kyle Angela Negrito ti Cool Smashers.
Kabayatanna, nagbalin nga emosyonal met ni Bea de Leon gapu ta dayoty ti kaunaan a championship iti PVL.
