LAOAG CITY – Ad-adda pay a bimmaba ti crime rate iti babaen ti administrasyon ni Presidente Ferdinand R. Marcos Jr. iti baet ti naireport a kidnapping incidents no ikumpara iti datos a nairekord iti babaen ti napalabas nga administrasyon.
Iti maysa nga interview, inbatad ni Presidential Communications Office Undersecretary ken Palace Press Officer Claire Castro a ti problema iti krimen iti pagilian ket “sensationalized” gapu kadagiti video a nai-upload iti online.
Rakurak daytoy ni Castro kalpasan nga adda ti maipagarop nga agiwarwaras ti damag a ngumatngato ti crime rate iti pagilian iti gobierno ni Presidente Marcos Jr.
Inpetteng ni Castro a ti maiwarwaras a nasao a damag ket ar-aramid laeng dagiti kontra iti agdama nga administrasyon.
Binalakadan ni Castro ti publiko a saan a mamati a dagus kadagiti agwarwaras a damag iti online ken nagballaag met kontra kadagiti agplanplano nga agisaknap ti buteng para iti pagilian.
Basar iti datos, manipod iti Enero 2024 agingga iti Pebrero 2025 ket nakairekord ti Philippine National Police Anti-Kidnapping Group ti 40 a kidnapping cases, 10 manipod iti nasao a bilang ket karaman ti Chinese national a naireport a kinidnap dagiti kailian na.
