LAOAG CITY – Kalikagum ni Atty. Kidz Ruiz Castro, Criminal Law Professor ti Northwestern University a maipababa ti tawen dagiti mabalin a maibalod.
Segun kenkuana, masapol a sungbatan dagiti indibidual ti inaramidda a maikanniwas iti paglintegan iti baet a dagitoy ket menor de edad pay laeng.
Inbatadna a nailanad iti linteg a dakkel ti responsibilidad dagiti nagannak kadagiti annakda gapu ta awan ti sabali a mabalin a mapagsungbat no di ket dagiti nagannakda.
Inlawlawagna a ti Qualified Theft ket nadagdagsen ti maipataw a pannusa kadagiti naglabsing iti daytoy maidasig iti Simple Theft.
Kunana a gapu iti panagtulid ti panawen ken dagiti pannakairubuat dagiti moderno a teknolohia ket naputar ti linteg maipanggep iti Cybercrime Law.
Kabayatanna, inpettengna a ti kalikagum ti civil case ket matungpal ti nainkalintegan idinto a ti criminal case ket panaglabsing ti maseknan nga indibidual.
