LAOAG CITY – Mapagsasaritaan ita dagiti netizens ti arig panagbalin a nalamiis a relasion da Cristine Reyes ken Marco Gumabao kalpasan a naobserbaranda a nag-unfollow ti tunggal maysa iti Instagram.
Awan ti baro a post manipud kadagiti social media accounts dagitoy rason nga agatap ti publiko no adda ti sangsangoen a pannubok ti celebrity couple.
Maipalagip a saan daytoy ti umuna a daras nga in-unfollow ni Cristine ni Marco. Idi Agosto 2024, nag-deactivate ni Cristine ti Instagram account iti mismo aldaw ti 30th birthday ni Marco.
Segun iti kabsat ni Cristine a ni Ara Mina, daytoy ket saan a gapu iti problema iti relasion no di ket makumikom ni Cristine iti shooting ti pelikula a The Kingdom, entry idi iti MMFF 2024′.
Naammoan a sumagmamano nga aldaw sakbay ti isyu, nag-post manen ni Cristine iti Facebook ti birthday greeting para ken ni Marco pakairamanan ti sweet photos-da nga agkadua.
