LAOAG CITY – Nagtalinaed a solid ti relasyon ti agayan-ayat a da Cristine Reyes ken Marco Gumabao.
Naamoan a da Cristine ken Marco ket kasar laengen ti kurang kadakuada gapu ta kanayun da nga agkadkadwa kadagiti showbiz happening ken dadduma pay nga events.
Iti panagatendar dagiti dua iti 50th Metro Manila Film Festival Celebrity Golf Tournament a naiyuswat iti Wack Wack Golf & Country Club, madlaw ti kinaragsak ken panangipateg da Marco ken Cristine iti tunggal maysa.
Mainaig iti daytoy, kinumpirmaran ni Marco a pagsarsaritaan dan ken ni Cristine ti panagkasar da.
Inadmitir na pay a saan a maliklikan nga adda latta dagiti banag a saan da a pagkinnaawatan ken ni Cristine ngem dagitoy ti makitkita da a mangpatpatibker iti relasyon da.
