LAOAG CITY – Adda ti aramiden nga schedule ti City Social Welfare and Development (CSWD) para ti panagtiliw da kadagiti agpalpalama a badjao ditoy ciudad ti Laoag.
Daytoy ti inbatad ni Mrs. Carlita Cabello iti CSWD ditoy ciudad ti Laoag.
Inlawlawag na a makikoordinar da iti PNP ken Civil Security Unit (CSU) para iti panagtiliw da kadagiti badjao.
Segun ken ni Cabello, iti panagsalsaludsud da kadagiti badjao no sadinno ti pagnanaedan da ket maymaysa ti ibagbaga da, daytoy ket iti ili a Badoc.
Innayon na a gapu ta saan nga agsardeng dagiti badjao nga umay agpalpalama ditoy ciudad ti Laoag ket agaramid da laengen ti schedule a panagtiliw da kadagiti maseknan.
