LAOAG CITY – Nakipagpaset ti City Social Welfare and Development Office ditoy cuidad ti Laoag iti selebrasyon ti “18-Day Campaign to End Violence Against Women” nga addaan ti tema a “United for a VAW-free Philippines” ken sub-theme a “VAW Bigyang-Wakas, Ngayon na ang Oras”.
Daytoy ti inpakaamo ni Ms. Mary Joan Pasigui, Focal Person ti Local Comitte Against Trafficking -Violence Against Women & their Children ditoy cuidad.
Kunana a nagduduma nga aktibidad ti naisayangkat para kadagiti umili kas iti fun run ken zoomba .
Segun kenkuana, gagem ti selebrasyon a maipakaaammu iti publiko ti pananglapped iti aniaman a kita ti violence kadagiti babbai ken ububbing.
Mainaig iti daytoy inbunanagna nga adda pay dagiti maisangyangkat a seminar mainaig iti karbengan iti tunggal indibidual.
