LAOAG CITY – Inbatad ni Mrs. Perlita Cabello, ti mangidadaulo iti City Social Welfare and Development Office ditoy cuidad ti Laoag nga agtultuloy iti panangpapigsa da kadagiti babbai ditoy cuidad saan laeng nga iti selebrasyon ti international women’s month.
Segun kenkuana, ti panangpapigsa kadagiti babbai ditoy ciudad ket saan laeng a panangorganisar no diket panangipaay iti nagduduma a nga adal kangrunanaan no kasano da a proteksionan iti bukod a bagi ken dadduma pay.
Inbatad na a kas maysa a babai ket napateg a maamoan dagiti karbengan ken linteg a mangprotehir kadakuada.
Kunana a dagiti grupo dagiti babbai ditoy ciudad ket saan da laeng nga ipaayan iti puunan nga agnegosio wenno aniaman no diket ipaayan da dagitoy iti skills training kadagiti paglaingan da nga aramiden.
Innayon na a makita no kasano da a dumur-as iti babaen kadagiti programa ken aktibidad nga ar-aramiden da no sadinno nga ad-adda a matulongan dagitoy ken maipakita iti laing ken talento da kadagiti nagduduma nga aspeto.
