LAOAG CITY – Inpasigurado ni Mrs. Mary Joan Pasigui, ti City Social Welfare and Development Office ditoy siudad ti Laoag nga addan dagiti nakasagana nga stockpile para kadagiti umili ditoy siudad ita a panawen ti panagtutudo.
Segun kenkuana, uray idi panawen ti kalgaw ket naisagana latta dagitoy gapu kadagiti didigra kas ti uram ken gingined.
Inbatadna nga ita a panawen ti panagtutudo ket nakasagana ti opisinada a mangidiaya kadagiti nagduduma a tulong kadagiti umili ditoy siudad.
Inpasingkedna nga iti lokal a gobierno babaen iti City Social Welfare and Development Office ket silulukat kadagiti umili nga agkasapulan ti tulong.
Innayonna nga iti panagtitinnunos ket saan laeng nga ita a panawen ti kalamaidad no diket inaldaw tapno ad-adu dagiti matulungan a Laoageños.
