LAOAG CITY – Nagpanawagan iti publiko ni Mrs. Perlita Cabello, ti mangidadaulo iti City Social Welfare and Development Office (CSWDO) ditoy ciudad ti Laoag nga ipakaammo iti opisina da no adda dagiti indibidual kangrunaan na dagiti ubbing nga agwarang-warang ken agpalpalama iti sentro ditoy ciudad.
Rakurak daytoy ni Cabello kalpasan nga adda dagiti report nga umad ad-ado manen dagiti agpalpalama iti sentro ditoy ciudad kangrunaan na dagiti badjao.
Inbatad ni Cabello a nupay adda dagiti taga ditoy ciudad ti Laoag nga ubbing nga agpalpalama iti sentro ket kaddoan pay laeng dagiti badjao.
Patien na a dagiti badjao ket aggapo da iti ili ti Badoc no sadinno nga ita a paskua ket agraira manen dagitoy.
Inkari ni Cabello a no adda ti mapan agreport iti opisina da ket insigida da nga agturong iti ayan dagiti agpalpalama a badjao ken pagawiden da dagitoy iti ili ti Badoc.
Kabayatanna, inpakaammo ni Cabello nga intono 2022 ket addan to ti maipatungpal a programa ditoy ciudad a para kadagiti nasao nga indibidual.
