LAOAG CITY – Dakkel a pakaidayawan ti lokal a gobierno ditoy siudad ti Laoag babaen iti City Social Walfare and Development Office iti nagun-odna a pammigbig manipud iti standard bureau ti Department of Social Welfare and Development – National.
Napagtalinaed ti Gender Development Center ditoy siudad ti first level standards gapu iti napaspas a serbisio a maipapaay kadagiti umili ditoy siudad.
Gapu iti daytoy, nagyaman ni Mrs. Mary Joan Pasugui, Focal Person ti Local Committee Against Trafficking – Violence Against Women and their Children iti suporta nga ipapaay dagiti opisial iti lokal a gobierno ditoy siudad iti opisinada.
Malaksid iti daytoy, nagun-od pay ti Stimulation and Therapeutic Activity Center (STAC) iti first level standard.
Makitkita ditoy nga in-inot nga adda ti pagdurdur-asan ti kasasaad dagiti ubbing nga adda ti rangkap iti bagida.
Inlawlawagna a saan laeng ditoy siudad ti Laoag ti serserbian iti nasao nga opisina no di ket adda pay dagiti agappu iti sabali nga ili a mangipaneknek ti naiget a serbisiona.
Kabayatanna, nagyaman ti City Social Walfare and Development Office iti lokal a gobierno kadagiti nagduduma a serbisio, proyekto ken programa nga ipatpatungpalda.
