LAOAG CITY – Inpakaammo ni Mrs. Perlita Cabello, mangidadaulo ti City Social Welfare and Development Office ditoy siudad ti Laoag nga inrubuatda ti programa iti opisinada nga Student Assistance for Educational Resilience for Learners at Risk for Dropping Out.
Segun kenkuana, naigetda a nakikoordinar iti Department of Education – Schools Division of Laoag City maipanggep iti daytoy a programa tapno matulungan dagiti estudiante a saan nga agsardeng ti panagbasada.
Inbatadna nga adda ti 50 nga agad-adal manipud iti elementaria ken sekondaria a nabenpisiaran iti nasao a programa.
Inlawlawagna a napili dagiti maseknan nga estudiante babaen iti naiget a panangarisit dagiti mangisursuro, Principal ken ti Schools Division Office.
Innayonna nga adda ti maipaay a tulong pinansial kadagiti maseknan nga estudiante tapno malappedan dagitoy nga ag-drop out gapu iti problema iti pinansial.
