LAOAG CITY – Inbatad ni Mrs. Perlita Cabello, ti mangidadaulo iti City Welfare and Development Office ditoy ciudad ti Laoag a plano da a nayunan iti barbwires iti lawlaw iti Bahay-Pagasa iti Barangay 48-A, Cabungaan ditoy ciudad.
Daytoy ket kalpasan nga adda manen ti menor de edad a naglibas iti napalabas nga aldaw ngem nasapulan metlaeng a dagus dagiti kameng ti Civil Security Unit iti sentro ditoy ciudad ti Laoag.
Segun ken ni Cabello, immuli ti menor de edad iti Comfort Room nga isu ti nagnaan na a naglibas.
Patien ni Cabello a naglibas ti menor de edad gapu ta mailiw iti pamilya na.
Maipalagip a saanen a daytoy ti damo nga adda ti menor de edad a naglibas iti Bahay-Pagasa ditoy ciudad ti Laoag.
