LAOAG CITY – Kinumpirmaran ni Sangguniang Panlalawigan Member Medeldorf Gaoat, Chairman ti Committee on Health ditoy probinsia a nadadael ti CT Scan iti Gov. Roque B. Ablan Sr. Memorial Hospital.
Inbatadna a gagangay a kasapulan ti pannakamentenar ti nasao a medical equipment isut gapuna a nagkiddawda ti replacement iti pasetna a perdi.
Inlawlawagna a gapu kadagiti naglabas a didigra nangruna ti bagyo ket adda dagiti electrical lines a naapektaran.
Naammoan a ti nasao a ramit ket agbalor ti 39 a milyon a pisos ken daytoy ket nabiit pay a nausar.
Innayonna a ti MRI iti nasao nga ospital ket saan nga operational ti bed-na ken adda metten ti pannakikoordinarda iti manufacturer tapno matarimaan daytoy.
