LAOAG CITY – Inrakurak ni US President Donald Trump a ti sumaruno nga agenda na ket ti Cuba kalpasan ti Iran.
Mamati ti US President a dandani nan mapabagsak ti ibilang na kas communist-run island, a nangpabaldado ti energy blockade ti Amerika.
Maipalagip a sipud pay idi Enero 9 ket saanen a nakaawat pay ti Cuban state ti oil shipment, a nangpwersa kadagiti airline a mangsuspenso ti flights iti isla ken nangpakaro ti nabayagen a krisis iti ekonomiya ti pagilian da.
Inakusaran met ti Cuba ni President Trump nga agkalikagom a mangipit iti ekonomiya ti isla.
Mainaig iti daytoy, inrakurak ni Trump a ni US Secretary of State Marco Rubio ti agbalin a “point man” na idiay Cuba.
Da Trump ken Rubio, ket agpada nga anak ti Cuban immigrants, no sadinno a kalikagom dagitoy a masukatan ti rehimen iti Cuba kalpasan ti panangpadisi iti kabusor ti Amerika iti Carribean, a ni Venezuelan President Nicholas Maduro.
