LAOAG CITY – Maipatpatungpal ti rabii ken bigat a curfew kadagiti naapektaran ti wildfire iti Palisades ken Eaton area.
Gagem daytoy ket tapno mabantayan dagiti indibidual nga agtaktakaw iti kangitingitan ti uram.
Inpasigurado met ni Los Angeles Mayor Karen Bass nga ikarigatanda a suktan dagiti amin gapu iti dakkel nga uram.
Addan iti 10 nga indibidual ti pimmusay ken agarup 200 a ribu a residente met dagiti nagibakwit.
Ibilang ni United States President Joe Biden a ti mapaspasamak a wildfire nga uram ket arig eskena iti gubat a naruay a pagtaengan ken sanikua ti nauram.
Inpasingkedna a nakasaganan ti tulong ti gobierno kadagiti biktima ti uram.
Mamati ti United States President a ti mapaspasamak ket gapu iti epekto ti climate change.
