LAOAG CITY – Naitaray iti ospital ti contractor a ni Pacifico “Curlee” Discaya II kalpasan nga inangal na ti panagsaksakit ti abaga na.
Daytoy ti inpakaammo ni Senate President Vicente “Tito” Sotto III.
Nupay kasta, kuna ni Sotto a naisubli metlaeng a dagus ni Discaya iti detention facility ti senado kalpasan ti pannakataming na iti ospital.
Saan metten a nangipaay ti detalye ni Sotto no ania ti nagbalin a duktal ti doctor iti panagsaksakit ti abaga ni Discaya.
Maipalagip a naibalud ni Discaya iti senado sipud idi Setyembre 2025 kalpasan a nai-cite in contempt babaen ti
Senate Blue Ribbon Committee kabayatan ti maysa kadagiti panagdengngeg iti maanomalya a flood control projects.
