LAOAG CITY – Sapulen dagiti senador dagiti farm-to-market roads ti Department of Agriculture (DA) nga aggatad iti P25 billion.
Segun ken ni Senate President Sherwin Gatchalian, maysa daytoy kadagiti saludsoden to dagiti senador ken ni Agriculture Secretary Francisco Tiu Laurel Jr. inton maisubmitir iti Senate committee on finance ti proposed budget ti Department of Agriculture (DA) para iti 2027.
Kuna ni Gatchalian, ti dati a chairman ti finance committee, sakbay a naipaima ti budget para iti farm-to-market road manipud iti Department of Public Works and Highways (DPWH) iti Department of Agriculture (DA), immuna a dinamagna ken ni Tiu Laurel no maaramid ti ahensia daytoy a proyekto.
Sungbat met ni Secretary Laurel a kabaelanda daytoy gapu ta kunan nga adda kapadasanna isut gapu na a singiren dantoy daytoy inton umay ti budget deliberations.
Dakkel a paset ti budget ti Department of Public Works and Highways (DPWH) ti naikkat idi 2025 ken nayakar kadagiti ahensia ti gobierno, kas iti Department of Agriculture (DA) ken uray iti Armed Forces of the Philippines para iti pannakaipsdek kadagiti barrack.
