LAOAG CITY – Inpasigurado ti Department of Agriculture (DA) nga adda umdas a suplay ti taraon iti pagilian.
Daytoy ket gapu iti danag ti publiko nga agkurang ti taraon iti pagilian gapu iti manamnama nga epekto ti super El Niño.
Segun ken ni Agriculture Secretary Francisco Laurel Jr. nga addaan ti agingga 125 nga aldaw ti suplay ti manok iti pagilian.
Maibilang daytoy nga umdas ti nadakamat a bilang ti suplay gapu ta gagangay a nabara ti panawen ken nababa ti produksion ti manok.
Impasiguradona a masukatan dagitoy no bumaba ti agingga 70 nga aldaw ti suplay.
Kabayatanna, ti pork suplay ket addaan ti 170 days ti ibayagna daytoy iti pagilian.
Awan met problema ti suplay ti bagas gapu ta nakatulong ti “habagat” tapno agdur-as ti level dagiti dams.
Posible a maamoan inton sumaruno pay a bulan ti epekto ti suplay ti pagay iti pagilian.
Kunana nga addaan laeng ti problema ti suplay ti mais isu a ngimmato ti presiona daytoy iti Isabela.
