LAOAG CITY – Ipayal-alisto ti Department of Agriculture (DA) ti pannakaipasdek dagiti cold storage facilities nga isu ti mausar dagiti mannalon iti apitenda.
Agtultuloy ti bidding tapno naan-anayen a maipatakder dagiti cold storage facilities para iti at-atiddog a shelf life dagiti inapitda ken maliklikan nga agbalin a ‘wastage’ kadagiti produkto agrikuktura.
Karaman ditoy ti solar-powered cold storages tapno makatipid iti panagkonsumo ti kuriente.
Kabayatanna, iti agdama ket dumanon iti 3 a bilyon a pisos ti pundo nga inlatang ti ahensia para kadagiti nasao nga imprastraktura a saan laeng a nakasentro iti Luzon ngem pakairamanan ti Visayas ken Mindanao.
Dumanon met iti 40% dagiti nateng ti maperperdi iti biahe pay laeng manipud kadagiti agrikultural a paset ti pagilian nga agturong iti merkado.
